HISTORIKU

Organizimi i parë i profesionistëve të fushës së stomatologjisë ne Shqiperi daton më 10 Maj të vitit 1931, me krijimin e Federatës së Dentistëve Shqiptarë, e cila luajti rol të fuqishëm në aktivitetin e shërbimit dentar para Luftës së Dytë Borërore.

Shoqata Stomatologjike Shqiptare është themeluar në 8.10.1998 nga Ruzhdie Qafmolla, Foto Toti, Pavli Kongo, Zenel Kokomiri, Mimoza Dule, Mirela Bogdani, Agron Meto, Ferat Sejko, Diana Sinani, Ago Shametaj, Vergjini Mulo etj. Është organizata më e madhe e cila përfaqëson profesionistët në fushën e dentistrisë në Shqipëri. Kjo organizatë funksionon mbi baza vullnetare dhe drejtohet nga kryesia.

Nga viti 1998- 2006 Shoqata Stomatologjike Shqiptare, u drejtua nga Prof.Ruzhdie Qafmolla Kryetare ,Prof.Pavli Kongo e Dr.Zenel Kokomiri Nënkryetarë dhe Mimoza Dule Sekretare.
Më vonë Shoqata Stomatologjike Shqiptare u drejtua nga Prof. Rozarka Budina si Kryetare e SHSSH, Dr. Sidrit Beqiri Nënkryetar dhe Prof. Virgini Mulo Sekretare e Përgjithëshme.

Shoqata Stomatologjike Shqiptare tashmë quhet Shoqata Dentare Shqiptare (SHDSH) dhe në organizmat ndërkombëtare prezantohet Albanian Dental Association.

SHDSH në vitet 2013-2023 është drejtuar nga Prof. Asoc. Dorjan Hysi Kryetar, Dr. Ariana Malltezi Nënkryetare dhe Dr.Shk Manola Kelmendi Sekretare e Përgjithshme/Financiere.

Nga maj 2023 Shoqata Dentare Shqiptare drejtohet nga Prof. Asoc Etleva Qeli (Droboniku) Kryetare, Dr.Shk Kreshnik Keraj Nënkryetar, Prof.Asoc Gerta Kaҫani Sekretare e Përgjithëshme.

SHDSH është e hapur për marrëveshje bashkëpunimi me institucionet publike dhe private të cilat kanë në misionin e tyre përmirësimin e shërbimit dentar. Gjithashtu po punohet për publikimin e rregullt të botimit zyrtar të shoqatës, "Revista e Shoqates Dentare Shqiptare".

SHDSH organizon aktivitete shkencore në nivele kombëtar dhe ndërkombëtar për të promovuar prezantimin e punimeve shkencore të profesionistëve Shqipëtar por edhe për shkëmbimin e eksperiencave me kolegë të vendeve të tjera. Këto aktivitete ndihmojnë në edukimin në vazhdim të profesionistëve dentarë.

Puna e saj ka qenë me vlera të veçanta në organizimin e aktiviteteve si Kongreset Mbareshqipëtare, Konferenca Shkencore kombëtare, Kongrese Ballkanike.

Për t'u shënuar është pjesëmarrja e saj në hartimin e Standardeve të Shërbimit Stomatologjik Shqiptar. Ky dokument serioz u botua nën drejtimin e Ministrisë së Shëndetësisë dhe është aktualisht në zbatim.

Vizioni

Shoqata Dentare Shqiptare (SHDSH) punon për ngritjen profesionale dhe ruajtjen e autonomisë profesionale dhe informon shtresat e ndryshme te popullsise per menyren e parandalimit apo trajtimit te patologjive qe lidhen me kavitetin e gojes.

Gjithashtu bashkepunon me organizata profesionale (dentare) brenda dhe jashtë vendit, institucione private dhe shtetërore Shqiptare për arrijen e standardeve të larta profesionale dhe përmirësimin e cilësisë së shërbimit që i ofrohet komunitetit.

Si organizata më e madhe dhe më e vjetër profesionale dentare ajo ofron ekspertizën e saj në hartimin e politikave, strategjive, akteve ligjore dhe nënligiore apo probleme klinike nëpërmjet specialistëve më të mirë në vend.

Misioni

Shoqata Dentare Shqiptare (SHDSH) përfaqëson stomatologët (dentistët) shqiptarë në organizma të ndryshme kombëtare dhe ndërkombëtare.

SHDSH bashkëpunon me institucione shtetërore me qëllim përgatitjen e akteve ligjore, nënligjore, standardeve dhe dokumenteve të tjera të rëndësishme, te cilat ndihmojnë në përmirësimin e shërbimit dentar në Shqipëri dhe ruajtjen e autonomisë profesionale.

SHDSH ndihmon publikun me këshilla për patologjitë dentare dhe mënyrën e parandalimit dhe trajtimit të tyre. Ai gjithashtu informon shtresat e ndryshme të popullatës për mënyrën e parandalimit ose trajtimit të patologjive që lidhen me zgavrën e gojës.

SHDSH organizon, bashkëpunon në projekte dhe aktivitete të ndryshme, të cilat kanë për qëllim përmirësimin e shëndetit dentar të publikut dhe edukimin në vazhdimësi të profesionistëve dentarë.